സ്കൂളുകളിൽ സ്വതന്ത്ര സോഫ്റ്റ്‌വെയർ പഠനം

തിരുവനന്തപുരം > സംസ്ഥാനത്തെ പൊതുവിദ്യാലയങ്ങളിലെ കംപ്യൂട്ടറുകളിലേക്കായി പരിഷ‌്കരിച്ച സ്വതന്ത്ര ഓപ്പറേറ്റിങ്‌ സിസ‌്റ്റം പുറത്തിറക്കി.  ‘ഐ ടി @സ്‍കൂൾ ഗ്ന‍ു/ലിനക്‌സ് 18.04’ എന്നപേരിൽ  കേരള ഇൻഫ്രാസ്ട്രക്ച‍ർ ആൻഡ‌് ടെക്നോളജി ഫോ‍ർ എജ്യുക്കേഷൻ (കൈറ്റ്) ആണ‌് പുറത്തിറക്കിയത‌്. സ്വതന്ത്ര ഓപ്പറേറ്റിങ് സിസ്റ്റമായ ഉബുണ്ടുവിന്റെ 18.04 എൽടിഎസ് പതിപ്പ് അടിസ്ഥാനമാക്കിയതാണ‌് സിസ്റ്റം. കുട്ടികൾക്കും അധ്യാപകർക്കും ആവശ്യമായ ഓപ്പറേറ്റിങ് സിസ്റ്റം എന്നനിലയിൽ മാത്രമല്ല, വീടുകളിലെ കംപ്യൂട്ടറുകളിലും സർക്കാർ ഓഫീസുകൾ, ഓഫീസ് സോഫ്റ്റ്‌വെയർ ഉപയോഗിക്കുന്ന ഡിടിപി സെന്ററുകൾ, ഇന്റർനെറ്റ് കിയോസ്കുകൾ, സോഫ്റ്റ്‌വെയർ നിർമാതാക്കൾ, കോളേജ് വിദ്യാർഥികൾ, മറ്റു കംപ്യൂട്ടർ സേവനദാതാക്കൾ തുടങ്ങിയവർക്കും സമ്പൂർണ കംപ്യൂട്ടിങ് പ്ലാറ്റ്ഫോമായി സൗജന്യമായി ഉപയോഗിക്കാം.

ഉബുണ്ടു 18.04 റെപ്പോസിറ്ററിയിൽ ഇല്ലാത്ത മറ്റു പല സ്വതന്ത്ര സോഫ്റ്റ്‌വെയറുകളും പുതിയ പാക്കേജിൽ ഉൾപ്പെടുത്തിയിട്ടുണ്ട്. മിക്ക സോഫ്റ്റ്‌വെയറും ഏറ്റവും പുതിയ വേർഷനുകളിലേക്ക് അപ്ഡേറ്റ‌് ചെയ്യുകയും  സ്‍കൂൾ പാഠ്യപദ്ധതിക്കനുസരിച്ച് കസ്റ്റമൈസ് ചെയ്യുകയും സാധ്യമാണ‌്. മലയാളം കംപ്യൂട്ടിങ്ങിന് വിപുലമായ മലയാളം യൂണികോഡ് ഫോണ്ട് ശേഖരമുണ്ട്. സ്കൂൾ ഐസിടി പാഠപുസ്തകങ്ങളിൽ നിർദേശിക്കുന്ന സോഫ്റ്റ്‌വെയറുകളെ കൂടാതെ പൊതു ആവശ്യങ്ങൾക്ക് ഉപകരിക്കുന്ന സോഫ്റ്റ്‌വെയറുകളുടെ ബൃഹത്തായ ശേഖരവുമുണ്ട‌്.

ഓഫീസ് പാക്കേജുകൾ, ഭാഷാ ഇൻപുട്ട് ടൂളുകൾ, ഡാറ്റാ ബേസ് ആപ്ലിക്കേഷനുകൾ, ഡിടിപി -ഗ്രാഫിക്സ്-  ഇമേജ് എഡിറ്റിങ് സോഫ്‌റ്റ്‌‌വെയറുകൾ, സൗണ്ട് റെക്കോഡിങ് -വീഡിയോ എഡിറ്റിങ് -ത്രീഡി അനിമേഷൻ പാക്കേജുകൾ, പ്രോഗ്രാമിങ്ങിനുള്ള ഐഡിഇകൾ, ജിയോഗ്രഫിക്കൽ ഇൻഫർമേഷൻ സിസ്റ്റം, ഡാറ്റാ ബേസ് സർവറുകൾ, മൊബൈൽ ആപ്പുകളുടെ ഡെസ്‍ക് ടോപ് വേർഷനുകൾ തുടങ്ങിയവ ഉൾപ്പെടുത്തിയിട്ടുണ്ട്.

വിവിധ വിഷയങ്ങൾ ഐടി ഉപയോഗിച്ച് പഠിക്കാനായി അന്താരാഷ്ട്ര പ്രസിദ്ധമായ സ്വതന്ത്രസോഫ്‌റ്റ്‌‌വെയറുകളായ ജിയോജിബ്ര, ഫെറ്റ്, സ്റ്റെല്ലേറിയം, കാൽസ്യം, മാർബിൾ, രാസ്‌മോൾ, ജി പ്ലെയ്റ്റ്സ്, ഗെമിക്കൽ, ജികോംപ്രിസ്, പൈസിയോ ഗെയിം, ജെ-ഫ്രാക‌്ഷൻ ലാബ‌് തുടങ്ങിയവ കസ്റ്റമൈസ് ചെയ്തും ലോക്കലൈസ് ചെയ്തുമാണ് ഈ പാക്കേജിൽ ഉൾപ്പെടുത്തിയിട്ടുള്ളത്. പൊതുവിദ്യാഭ്യാസ വകുപ്പിന്റെ കൈറ്റ് വിക്ടേഴ്സ്, സമഗ്ര പോർട്ടൽ, സ്കൂൾ വിക്കി സൈറ്റുകളിലേക്ക് നേരിട്ടു പ്രവേശിക്കാം.

ഇതെല്ലാം ഉടമസ്ഥാവകാശമുള്ള (പ്രൊപ്രൈറ്ററി) ആപ്ലിക്കേഷനുകളാണെങ്കിൽ കംപ്യൂട്ടർ ഒന്നിന് ചുരുങ്ങിയത് ഒന്നര ലക്ഷം രൂപ ലൈസൻസ് ഇനത്തിൽ നൽകേണ്ടിവരുമായിരുന്നു. അപ്ഡേഷ‍നുകൾക്കായി അധിക ചെലവുമായേനെ. ഹൈടെക് സ്കൂൾ പദ്ധതിയുടെ ഭാഗമായി വിന്യസിച്ച 60,000 ലാപ്‌ടോപ്പുകളിലും പുതിയ ഹൈടെക് ലാബ് പദ്ധതിയുടെ ഭാഗമായി ജൂണിൽ വിന്യസിക്കുന്ന 55,000 ലാപ്‌ടോപ്പുകളിലും ഉൾപ്പെടെ സ്കൂളുകൾക്കുള്ള രണ്ടുലക്ഷത്തിലധികം കംപ്യൂട്ടറുകളിൽ പുതിയ ഓപ്പറേറ്റിങ‌് സിസ്റ്റത്തിന്റെ വിന്യാസം പുതിയ അധ്യയനവർഷത്തിനു മുമ്പുതന്നെ പൂർത്തിയാക്കുമെന്ന് കൈറ്റ് എക്സിക്യൂട്ടീവ് ഡയറക്ടർ കെ അൻവർ സാദത്ത് പറഞ്ഞു. രണ്ടു ലക്ഷത്തിലധികം കംപ്യൂട്ടറുകളിൽ ഒന്നരലക്ഷം രൂപ കണക്കാക്കി 3000 കോടി രൂപയുടെ സാമ്പത്തിക ലാഭം ഇതുവഴി ലഭിക്കും.

പൊതുവിദ്യാഭ്യാസ വകുപ്പിന്റെ കീഴിലെ എല്ലാ സ്ഥാപനങ്ങളും സ്വതന്ത്ര സോഫ്റ്റ്‌വെയറിൽ  പഠനവും പരിശീലനവും നിർബന്ധമാക്കി സർക്കാർ ഉത്തരവുണ്ട്.  www.kite.kerala.gov.in വെബ്സൈറ്റിൽനിന്നും ഓപ്പറേറ്റിങ‌് സിസ്റ്റം സൗജന്യമായി ഇൻസ്റ്റാൾ ചെയ്യാം. ലിറ്റിൽ കൈറ്റ‌്സ‌ിന്റെ നേതൃത്വത്തിൽ പുതിയ സിസ‌്റ്റത്തിന്റെ ഇൻസ‌്റ്റാൾ ഫെസ‌്റ്റുകളും സംഘടിപ്പിക്കും.
Read more: https://www.deshabhimani.com/news/kerala/news-kerala-13-05-2019/799044

ഇന്ത്യൻ റെയിൽവേ ഇനി പഴയ റെയിൽവേയല്ല: വരുന്നു അദ്ഭുത ടെക്നോളജി

സുരക്ഷാ സംവിധാനങ്ങളുടെ പേരിൽ നിരന്തരം പഴികേള്‍ക്കുന്ന ഇന്ത്യൻ റെയിൽവേ ശാസ്ത്ര സാങ്കേതികവിദ്യയുടെ സഹായത്തോടെ മികച്ച സുരക്ഷ ഉറപ്പാക്കാനുള്ള പദ്ധതിയുമായി രംഗത്ത്. നിർമ്മിതബുദ്ധി ഉപയോഗിച്ചു പ്രവർത്തിക്കുന്ന റോബോട്ടുകള്‍ പ്രവർത്തനസജ്ജമാക്കിയാണ് റെയിൽവേ കാതലായ ഈ പരീക്ഷണത്തിനു തുടക്കം കുറിച്ചിട്ടുള്ളത്

വൈഫൈ ശൃംഖല ഉപയോഗിച്ചു ട്രെയിനുകളുടെ സുരക്ഷ സംബന്ധിച്ചു തൽസമയ വിവരങ്ങൾ അധികൃതർക്കു കൈമാറാൻ ഈ റോബോട്ടുകൾക്കു കഴിയും. എൻജിനീയർമാർ നിർദേശിക്കുന്നതനുസരിച്ചു ഫോട്ടോകളും വിഡിയോകളും പകർത്താൻ ശേഷിയുള്ളവയാണ് റോബോട്ടുകൾ. അണ്ടർ ഗിയർ സർവൈലൻസ് ട്രൂ ആർട്ടിഫിഷ്യൽ ഇന്‍റലിജൻസ് അസിസ്റ്റഡ് ഡ്രോയ്ഡ് (USTAAD) എന്നാണ് പുതിയ സംവിധാനത്തിന്‍റെ പേര്.

സെൻട്രൽ റെയിൽവേയുടെ നാഗ്പൂർ ശാഖയിൽ വികസിപ്പിച്ചെടുത്ത ഉസ്താദിന്‍റെ ഏറ്റവും വലിയ സവിശേഷത 360 ഡിഗ്രി തിരിയാൻ ശേഷിയുള്ള ഉയർന്ന നിലവാരത്തിലുള്ള കാമറകളുടെ സാന്നിധ്യമാണ്. മനുഷ്യന്‍റെ കണ്ണിൽപ്പെടാതെ പോകുന്ന ചെറിയ പിഴവുകള്‍ പോലും കണ്ടെത്താന്‍ ഈ റോബോട്ടുകൾക്കു കഴിയും. എൻജിനീയർമാർ നിർദേശിക്കുന്നതനുസരിച്ച് ഗിയറിന്‍റെ അടി ഭാഗത്തു വരെയുള്ള ദൃശ്യങ്ങൾ പകർത്താൻ ഇവയ്ക്കു സാധിക്കും. പിടിച്ചെടുക്കുന്ന ഫോട്ടോകളും വിഡിയോകളും തൽസമയമായും അല്ലാതെയും എൻജിനീയർമാർക്കു പരിശോധിച്ചു വേണ്ട മാറ്റങ്ങൾ വരുത്താനും സുരക്ഷ ഉറപ്പിക്കാനും കഴിയും.

പരീക്ഷണം വിജയകരമാണെങ്കിൽ അധികം വൈകാതെ തന്നെ രാജ്യത്താകമാനം റെയിൽവേയുടെ സുരക്ഷ ജോലികൾക്കായി ഈ റോബോട്ടുകൾ നിയുക്തരാകുമെന്നാണ് ബന്ധപ്പെട്ട വൃത്തങ്ങൾ നൽകുന്ന സൂചന. വൻ അപകടങ്ങളിലേക്കു നയിച്ചേക്കാവുന്ന ചെറിയ പിഴവുകൾ വരെ സൂം–ഇൻ ചെയ്തു അതിവേഗം കണ്ടെത്തി ആവശ്യമായ നടപടികൾ സ്വീകരിക്കാനാകുമെന്നത് സുരക്ഷ ഉറപ്പാക്കുന്നതിൽ ഏറെ സഹായകരമാകുമെന്നാണ് വിലയിരുത്തൽ.

ഉപയോക്താക്കളുടെ ചോദ്യങ്ങൾക്കു 24 മണിക്കൂറും ഉത്തരം നൽകാൻ സഹായിക്കുന്ന ആസ്ക് ദിശ (Ask Disha) എന്ന ചാറ്റ്ബോട്ട് അടുത്തിടെ റെയിൽവേ രംഗത്തിറക്കിയിരുന്നു. ഇ–ടിക്കറ്റിങ് വെബ്സൈറ്റായ ഐആർസിടിസിയിലാണ് ഒക്ടോബർ മുതൽ ചാറ്റ്ബോട്ടിന്‍റെ സഹായം ലഭ്യമായി തുടങ്ങിയത്.

read more: https://www.manoramaonline.com/technology/technology-news/2018/12/28/indian-railway-to-launch-ai-enable-robot-for-safety.html

500 രൂപയ്ക്ക് 4ജി ഫോണുമായി ഗൂഗിള്‍

500 രൂപയ്ക്ക് 4ജി ഫോണുമായി ഗൂഗിള്‍

ഏറ്റവും കുറഞ്ഞ വിലയ്ക്ക് 4ജി ഫോണുകളുമായി ഗൂഗിള്‍ എത്തിക്കഴിഞ്ഞു. ഇക്കഴിഞ്ഞ ദിവസം ഇന്തോനേഷ്യയിലാണ് വെറും 500 രൂപയ്ക്ക് (ഏകദേശവില) 4ജി ഫോണ്‍ ഗൂഗിള്‍ പുറത്തിറക്കിയത്. അധികം വൈകാതെ ഇന്ത്യയിലും ഫോണ്‍ അവതരിക്കും.

ഏകദേശം ഇതേ ഫീച്ചേഴ്‌സുള്ള മൈക്രോമാക്‌സിന്റെ ഭാരത് വണ്‍ എന്ന മോഡലിന് ഇന്ത്യയില്‍ 2500 രൂപയാണ് വില. ഗൂഗിള്‍ ഫോണ്‍ എത്തുന്നതോടെ ജിയോഫോണിനും മൈക്രോമാക്‌സ് ഭാരത് വണ്ണിനും വന്‍ വെല്ലുവിളിയുണ്ടാകും.

വിസ്‌ഫോണ്‍ എന്ന് പേരിട്ടിരിക്കുന്ന ഈ 4ജി ഫോണില്‍ ഏത് 4ജി സേവന ദാതാവിന്റ സിമ്മും ഉപയോഗിക്കാം. കായ് ഒഎസില്‍ വരുന്ന ഫോണിനായി പ്രത്യേകം ഫെയ്‌സ്ബുക്കും വാട്‌സാപ്പുമുണ്ട്. ജിയോ ഫോണിലും കായ് ഒഎസാണ് ഉപയോഗിക്കുന്നത്.

read more: http://www.reporterlive.com/2018/12/08/534350.html

സെക്സ്, ലഹരി, ആഭാസ ഡാൻസ്… ടിക് ടോക് ഇന്ത്യയെ തകർക്കും ചൈനീസ് ‘ബോംബ്’

ആദ്യം ചൈനീസ് ഫോണ്‍ നിര്‍മാതാക്കള്‍ വന്ന് ഇന്ത്യന്‍ വിപണി കീഴടക്കി. ഇപ്പോള്‍ ഇതാ ചൈനീസ് ആപ് നിര്‍മാതാക്കള്‍ക്ക് അപ്രതീക്ഷിത സ്വീകരണം ലഭിക്കുന്നു. ടിക്‌ടോക് (TikTok), ക്വായ് (Kwai) ലൈക് (LIKE) തുടങ്ങി ഇരുപതോളം ചൈനീസ് വിഡിയോ ആപ്പുകള്‍ക്കാണ് സ്വീകര്യത ലഭിച്ചിരിക്കുന്നത്. ഇവയില്‍ ചിലത് കുട്ടികളുടെ നഗ്നത മുതല്‍ പല രീതിയിലുള്ള അശ്ലീലവും എളുപ്പത്തില്‍ ഉപയോക്താക്കളിലേക്ക് എത്തിക്കുന്നു. കൂടാതെ അവ സ്വകാര്യതയ്ക്ക് ഭീഷണിയുമാണ്. ഇന്ത്യയിലെ യുവതുലമുറയെ തകർക്കാൻ ശേഷിയുള്ളതാണ് ടിക് ടോക് ബോംബ്.

നാട്ടിൽ എന്താണു സംഭവിക്കുന്നത്?

ചെറിയ വിഡിയോ ക്ലിപ്പുകളോട് കുട്ടികള്‍ക്കും യുവാക്കള്‍ക്കും ഇടയില്‍ ഉടലെടുത്ത സമീപകാല ജ്വരം മുതലെടുക്കാനുള്ള ശ്രമത്തിലാണ് ചൈനീസ് വിഡിയോ ആപ്പുകളെന്നു കാണാം. യുട്യൂബ് പോലത്തെ വിഡിയോ സര്‍വീസുകളില്‍ അപ്‌ലോഡു ചെയ്താല്‍ പിടിക്കപ്പെട്ടേക്കാമെന്നു കരുതി മാറ്റിവച്ച ക്ലിപ്പുകള്‍ പോലും ചൈനീസ് ആപ്പുകളില്‍ അപ്‌ലോഡു ചെയ്യപ്പെടുന്നുണ്ടെന്നും ഇതൊക്കെ ടീനേജിലെത്താത്ത കുട്ടികള്‍ പോലും കണ്ടേക്കാമെന്നും പറയപ്പെടുന്നു. അതിലേറെ ഇത്തരം വിഡിയോകള്‍ അപ്‌ലോഡു ചെയ്യുന്നവരുടെ മുതലെടുപ്പിനും കുട്ടികളും മറ്റും ഇരയായേക്കാമെന്നും വാദമുണ്ട്. ഈ പ്ലാറ്റ്‌ഫോമുകളിലുള്ള പ്രായപൂര്‍ത്തിയായവര്‍ക്കുള്ള ഉള്ളടക്കം നിയമലംഘനമായി കാണാമെന്നും വിദഗ്ധര്‍ പറയുന്നു. സെക്സ്, മദ്യപാനം, കഞ്ചാവ് പുകയ്ക്കല്‍, അപകീർത്തിപ്പെടുത്തൽ തുടങ്ങി നിരവധി വിഡിയോകൾ ഇത്തരം ആപ്പുകളിൽ കാണാം. യുട്യൂബിൽ ബ്ലോക്ക് ചെയ്യുന്ന ഇത്തരം ഭീകര ദൃശ്യങ്ങള്‍ ഒരു നിയന്ത്രണവും കൂടാതെയാണ് ടിക് ടോക് പോലുള്ള ആപ്പുകളിൽ പോസ്റ്റ് ചെയ്യാൻ അനുവദിക്കുന്നത്. ഇത്തരം വിഡിയോകൾ റിപ്പോർട്ട് ചെയ്യാനോ നീക്കം ചെയ്യാനോ വേണ്ടത്ര അവസരവും ഈ ആപ്പുകളിൽ ഇല്ല.

ഇവയെല്ലാം ഇന്ത്യയിലെ ഇടത്തരം നഗരങ്ങളില്‍ തരംഗം തീര്‍ക്കുകയാണെന്നാണ് കണ്ടെത്തല്‍. ഇക്കിളിപ്പെടുത്തുന്ന വിഡിയോകള്‍, അര്‍ഥഗര്‍ഭമായ നോട്ടിഫിക്കേഷന്‍സ്, ദ്വയാര്‍ഥമടങ്ങുന്ന തമാശകള്‍ തുടങ്ങി പച്ചയായ ആഭാസം വരെ ഇവയിലൂടെ പ്രചരിപ്പിക്കപ്പെടുന്നുവെന്നാണ് ആരോപണം.

ടിക്‌ടോക്കിലെ 15 സെക്കന്‍ഡ് വിഡിയോകള്‍ പരിശോധിച്ചാല്‍ മനസിലാകുന്നത് അവയില്‍ നിഷ്‌കളങ്കമായ ക്ലിപ്പുകള്‍ മുതല്‍ ആഭാസത്തരങ്ങള്‍ വരെ ഉണ്ടെന്നാണ്. ഏതു യൂസറെയാണ് ഫോളോ ചെയ്യുന്നത് എന്നതിനെ ആശ്രയിച്ചാണിത്. അനുദിനം പ്രചാരമേറുന്ന ഈ ആപ്പിന് ഇന്ത്യയിൽ രണ്ടു കോടി ഉപയോക്താക്കളുണ്ട്‍.

ചൈനീസ് വിഡിയോ ആപ്പുകള്‍ക്ക് പ്രാദേശിക സ്റ്റാറുകളുമുണ്ട്. ടിക്‌ ടോക്കിന്റെ Awez Darbar ഒരു ഉദാഹരണമാണ്. ഈ യൂസര്‍ക്ക് ഇപ്പോള്‍ 42 ലക്ഷം ഫോളോവര്‍മാരാണുള്ളത്. ഇത്തരം പ്ലാറ്റ്‌ഫോമുകളെല്ലാം എഴുതി കാണിക്കുന്നത് ഇത് കുട്ടികള്‍ക്കുള്ളതല്ല എന്നാണെങ്കിലും ഇവയുടെ കാഴ്ചക്കാരിലേറെയും ടീനേജിലോ, അതിലും കുറവോ പ്രായമുള്ളവരാണ് എന്നതാണ് ഏറ്റവും പ്രശ്‌നമുള്ള കാര്യമായി പറയപ്പെടുന്നത്. ഇത്തരം ആപ്പുകള്‍ ഉപയോഗിക്കണമെങ്കില്‍ മാതാപിതാക്കളുടെ അനുവാദം വേണമെന്ന നിബന്ധനയൊന്നും ഒരു ആപ്പിലുമില്ലെന്നും ചൂണ്ടിക്കാണിക്കപ്പെടുന്നു. ദേശീയ സുരക്ഷയുടെ വീക്ഷണകോണില്‍ നിന്നു നോക്കിയാല്‍ കുട്ടികളെ സെന്‍സിറ്റീവ് ഗണത്തിലാണ് പെടുത്തിയിരിക്കുന്നത്. എന്നാല്‍ നിയമം ഈ ആപ്പുകള്‍ക്കെതിരെ വാളോങ്ങുന്നില്ലെന്ന് ഒരാള്‍ ചൂണ്ടിക്കാണിക്കുന്നു.

ഐടി നിയമപ്രകാരവും ഇവയ്‌ക്കെതിരെ നടപടിയെടുക്കാവുന്നതാണ്. ടിക്‌ ടോക്കിലും, ക്വായിലും, ലൈക്കിലുമൊക്കെ ധാരാളം കൊച്ചു പെണ്‍കുട്ടികളുടെയും ആണ്‍കുട്ടികളുടെയും ടീനേജ് എത്താത്ത കുട്ടികളുടെയും പ്രൊഫൈലുകള്‍ കാണാമെന്നാണ് മറ്റൊരു നിരീക്ഷണം.

ഈ ആപ്പുകളില്‍ പലതും ഇന്ത്യന്‍ ഭാഷകളിൽ ലഭ്യമാണെന്നതും അവയെ ഫെയ്‌സ്ബുക്, ഇന്‍സ്റ്റഗ്രാമിനെക്കാൾ പ്രിയങ്കരമാക്കുന്നു. എന്നാല്‍, അവരുടെ സ്വകാര്യതാ നയം ഈ ഭാഷകളിലില്ല എന്നതും ശ്രദ്ധേയമായ കാര്യമാണ്. അനുദിനം പ്രചാരമേറുകയാണെങ്കിലും ഇതുവരെ ടിക്‌ടോക് ഇന്ത്യയില്‍ പ്രശ്‌ന പരിഹാരത്തിനായി ആരെയും നിയമിച്ചിട്ടില്ലെന്നും ചൂണ്ടിക്കാണിക്കപ്പെടുന്നു. ഉപയോക്താക്കള്‍ പരാതി നല്‍കിയാല്‍ മാത്രമായിരിക്കും അധികാരികള്‍ നടപടികള്‍ സ്വീകരിക്കാന്‍ വഴിയുള്ളുവെന്നും പറയുന്നു. ആരെങ്കിലുമൊക്കെ ഇത്തരം കേസുകള്‍ നല്‍കിത്തുടങ്ങിയില്ലെങ്കില്‍ ഒന്നും ചെയ്യാനാവില്ല എന്നാണ് ഇന്‍ഫര്‍മേഷന്‍ ടെക്‌നോളജി വകുപ്പിലെ ഉദ്യോഗസ്ഥന്‍ പറഞ്ഞത്.

ഇതൊന്നും കൂടാതെയാണ് ചൈനീസ് കമ്പനികള്‍ ചോർത്തുന്ന ഇന്ത്യന്‍ ഡേറ്റ. ആപ്പുകള്‍ ഇന്‍സ്റ്റാള്‍ ചെയ്യുമ്പോള്‍ ലൊക്കേഷന്‍, കോണ്ടാക്ട്‌സ്, വിഡിയോയും, ഓഡിയോയും റെക്കോർഡു ചെയ്യാനുള്ള അനുവാദം, നെറ്റ്‌വര്‍ക്കിലേക്കു കടക്കാനുള്ള അനുവാദം ഇവയെല്ലാം വാങ്ങിയാണ് ഫോണുകളില്‍ ഇവ പതുങ്ങിക്കിടിക്കുന്നത്.

ടിക്‌ടോക്കിനെ ചില രാജ്യങ്ങള്‍ താത്കാലികമായി ബാന്‍ ചെയ്തിരുന്നു. പത്തു വയസില്‍ താഴെയുള്ള കുട്ടികളുടെ പോലും സ്വകാര്യത സംരക്ഷിക്കാത്ത ആപ് എന്ന നിലയില്‍ ടിക്ടോക് ഹോങ്കോങ്ങില്‍ നിയമക്കുരുക്കില്‍ പെട്ടിട്ടുണ്ട്. ആപ്പിലൂടെ കടന്നുവരുന്ന ജനങ്ങളുടെ വിവരം മുഴുവന്‍ സംരക്ഷിക്കാന്‍ ഞങ്ങള്‍ക്കാവില്ലെന്നും ടിക് ടോക് പറഞ്ഞിട്ടുണ്ട്.

Google map services

ഗൂഗിള്‍ മാപ്‌സ് എന്നത് ഒരു വെബ് മാപ്പിങ്ങ് സേവനമാണ്. ഗൂഗിള്‍ നല്‍കുന്ന ഈ സേവനം വാണിജ്യേതര ഉപയോഗങ്ങള്‍ക്ക് സൗജന്യമാണ്. ഇന്റര്‍നെറ്റ് ഇല്ലാതേയും ഗൂഗിള്‍ മാപ്‌സ് ഉപയോഗിക്കാം. അതായത് നാവിഗേഷനും അതു പോലെ മാപ്‌സിലെ വിവരങ്ങള്‍ തിരയാനും ഇന്റര്‍നെറ്റ് കണക്ഷന്റെ ആവശ്യമില്ല. Continue reading “Google map services”

ഗൂഗിൾ ആൻഡ്രോയിഡ് ഗോ ഒഎസ് എന്താണെന്ന് അറിയാമോ ?

ആൻഡ്രോയിഡ് ഗോ ഒഎസ്, ഏറ്റവും വില കുറഞ്ഞ സ്മാർട്ട് ഫോണുകളിലും ആൻഡ്രോയിഡിനെ എത്തിക്കുക എന്ന ഉദ്ദേശത്തോടു കൂടി ഗൂഗിൾ അവതരിപ്പിച്ച പുതിയ ആൻഡ്രോയിഡ് പതിപ്പ് ആണ്. ആൻഡ്രോയിഡ് ഗോ ലഭ്യമാകുന്നത് ആൻഡ്രോയിഡ് ഓറിയോ 8.0 വേർഷൻ മുതലാണ്.

മെയ് 2017 ൽ ആണ് ആദ്യമായി ഗൂഗിൾ ഈ ഒഎസിനെ പറ്റി അറിയിച്ചത്. ഗോ ഒരു സ്റ്റോക്ക് ഒഎസ് ആയതിനാൽ എല്ലാ ആൻഡ്രോയിഡ് അപ്ഡേറ്റുകളും ആദ്യം തന്നെ ഇതിൽ ലഭിക്കും.

ഇന്ത്യ, ആഫ്രിക്ക പോലോത്ത വികസ്വര രാജ്യങ്ങളിൽ മൊബൈൽ ഫോണുകൾക്കും,ഇന്റർനെറ്റ് ഡാറ്റക്കും നൽകേണ്ടുന്ന വില വളരെ അധികമാണ്. മാത്രവുമല്ല നിരന്തരമായ ഇന്റർനെറ്റ് കണക്ഷൻ ഈ ഇടങ്ങളിൽ ലഭ്യവുമല്ല. ലോകത്തുള്ള മുഴുവൻ ആളുകളും ആൻഡ്രോയിഡിലേക്ക് മാറുക എന്ന ഒരു ഉദ്ദേശ്യവും ഗൂഗിളിന് പണ്ട് മുതൽക്കേ ഉണ്ട്.

ഗൂഗിളിന്റെ കണക്ക് പ്രകാരം അടുത്ത സംവത്സരത്തിൽ ഏറ്റവും കൂടുതൽ ഉപഭോക്താക്കൾ സ്മാർട്ട് ഫോൺ വരിക്കാർ ആകാൻ പോകുന്നത് ഇന്ത്യയിൽ നിന്നാണ്.

1 ജിബി റാമും, 8 ജിബി നിർമിത സ്റ്റോറേജും, ക്വാൽകോം സ്നാപ്ഡ്രാഗണിന്റെ 200 ശ്രേണിയിലുള്ള സിപിയുവും ഉപയോഗിച്ച് വെറും 50 ഡോളറിൽ ഒതുങ്ങുന്ന സ്മാർട്ട് ഫോണുകൾ നിർമിക്കുവാൻ സാധിക്കും. എന്നാൽ ഈ ഫോണുകളിൽ സാധാരണ ആൻഡ്രോയിഡ് ഇൻസ്റ്റാൾ ചെയ്താൽ ഫോണിന്റെ പകുതിയിൽ കൂടുതൽ മെമ്മറിയും ആൻഡ്രോയിഡ് കരസ്ഥമാക്കും. മാത്രവുമല്ല അപ്പ്ലിക്കേഷനുകൾ ഉപയോഗിക്കുമ്പോൾ ഹാങ്ങ് ആകാനുള്ള സാധ്യതകളും വളരെ കൂടുതൽ ആണ്.

എന്നാൽ ഈ ഫോണുകളിൽ ആൻഡ്രോയിഡ് ഗോ ഇൻസ്റ്റാൾ ചെയ്താൽ സാധാരണ ആൻഡ്രോയിഡിന് വേണ്ടുന്നതിന്റെ പകുതി സ്റ്റോറേജ് മതി ആകും. ഉദാഹരണം പറയുകയാണെങ്കിൽ 8 ജിബി നിർമിത സ്റ്റോറേജ് ഉള്ള ഫോണിൽ ആൻഡ്രോയിഡ് ഓറിയോ ഇൻസ്റ്റാൾ ചെയ്യുമ്പോൾ ഏകദേശം 6 ജിബിയോളം മെമ്മറി ആൻഡ്രോയ്‌ഡിന്‌ വേണ്ടി മാത്രം പോകുന്നു. ശേഷിക്കുന്ന 2 ജിബി മാത്രമേ ഉപഭോക്താവിന് ലഭിക്കുന്നുള്ളൂ.

എന്നാൽ ആൻഡ്രോയിഡ് ഗോ ഇൻസ്റ്റാൾ ചെയ്യുമ്പോൾ ഏകദേശം 3 ജിബി മെമ്മറി മാത്രമേ ഫോണിന്റെ നിർമിത സ്റ്റോറേജിൽ നിന്ന് എടുക്കുന്നുള്ളു.

ഗോ ആപ്പ്ളിക്കേഷനുകൾ

വളരെ പരിമിതമായ സ്റ്റോറേജ് ഉപയോഗിച്ച് പ്രവർത്തിക്കാൻ ഉതകുന്ന രീതിയിൽ ആണ് ആൻഡ്രോയിഡ് ഗോയുടെ ഘടന. ഗോ ആപ്പ്ളിക്കേഷനുകളും ഇതേ ഘടന തന്നെ ആണ് പിന്തുടരുന്നത്. അത് കൊണ്ട് തന്നെ ആൻഡ്രോയിഡ് ഗോ ആപ്പ്ളിക്കേഷനുകൾക്കെല്ലാം സാധാരണ ആപ്പ്ളിക്കേഷനുകളേക്കാൾ പകുതി സ്റ്റോറേജ് മതി.

ഗൂഗിളിന്റെ ആപ്പ്ളിക്കേഷനുകളായ ജിമെയിൽ, യൂട്യൂബ്, ഗൂഗിൾ അസിസ്റ്റന്റ്, ഗൂഗിൾ മാപ്‌സ്, ജിബോർഡ് (ഗൂഗിൾ കീബോർഡ്) തുടങ്ങിയവക്കെല്ലാം ഗോ പതിപ്പുകൾ ലഭ്യമാണ്. ഇവയെല്ലാം ആൻഡ്രോയിഡ് ഗോ യിൽ ആദ്യമേ തന്നെ ഇൻസ്റ്റാൾ ചെയ്താണ് വരുന്നത്.

ഇതിനു പുറമെ നമ്മുടെ ഫൈലുകളിൽ ഏതാണ് ഏറ്റവും കൂടുതൽ സ്റ്റോറേജ് എടുക്കുന്നത് എന്നറിയുവാനും അവയെ എല്ലാം അടുക്കും ചിട്ടയോടും കൂടി സൂക്ഷിക്കുവാനും വേണ്ടി ഫൈൽസ് ഗോ എന്നൊരു ആപ്പ്ളിക്കേഷനും ഗൂഗിൾ ആൻഡ്രോയിഡ് ഗോ യിൽ ചേർത്തിട്ടുണ്ട്.

ആദ്യമായി സ്മാർട്ട് ഫോൺ ഉപയോഗിക്കുന്നവർക്ക് അതിന്റെ ഉപയോഗം എളുപ്പമാക്കുന്നതിനു വേണ്ടി ഗൂഗിൾ ഗോ എന്നൊരു ആപ്പ്ളിക്കേഷനും ആൻഡ്രോയിഡ് ഗോയിൽ ഉണ്ട്. ആളുകൾ ഏറ്റവും കൂടുതൽ തവണ പരിശോധിക്കുന്ന വെബ്സൈറ്റുകളും ലിങ്കുകളും പ്രധാന സ്‌ക്രീനിൽ ആദ്യമേ തന്നെ കാണിച്ച് തരുന്നു എന്നതാണ് ഗൂഗിൾ ഗോയുടെ പ്രത്യേകത.

ഗൂഗിൾ പ്ലേ സ്റ്റോറിൽ ഇപ്പോൾ കുറച്ച് ഗോ ആപ്പ്ളിക്കേഷനുകൾ കാണാൻ സാധിക്കുന്നതാണ്. ലോകത്തുള്ള മുഴുവൻ ഡെവലപ്പറുകളുമായി കൈ കോർത്ത് കൊണ്ട് കൂടുതൽ ഗോ ആപ്പ്ളിക്കേഷനുകൾ നിർമിക്കാൻ ഗൂഗിൾ ആഹ്വാനം ചെയ്യുന്നുണ്ട്.

ഡാറ്റ സേവർ

ഡാറ്റ ഉപയോഗം കുറക്കുന്നതിനും എത്ര മാത്രം ഡാറ്റ ഉപയോഗിച്ചു എന്നൊരു വ്യക്തമായ ധാരണ കിട്ടുന്നതിനും വേണ്ടിയുള്ള സജ്ജീകരണങ്ങൾ ആൻഡ്രോയിഡ് ഗോയിൽ ഉണ്ട്. ഡാറ്റ സേവർ ഓപ്ഷൻ ഓൺ ആയിട്ടാണ് ആൻഡ്രോയിഡ് ഗോ ആദ്യമേ എത്തുന്നത്.

ഗൂഗിളിന്റെ പ്രോക്സി സെർവറിൽ കൂടി ഡാറ്റ കടത്തി വിട്ടാണ് ആൻഡ്രോയിഡ് ഗോ ഒരു പരിധി വരെ ഡാറ്റ ഉപയോഗം കുറക്കുന്നത്. ഇത് കൂടാതെ ബാക്ക്ഗ്രൗണ്ടിൽ പ്രവർത്തിക്കുന്ന ആപ്പ്ളിക്കേഷനുകൾക്ക് ഡാറ്റ നൽകാതെയും ഡാറ്റ ഉപയോഗം കുറക്കുന്നു. മാത്രവുമല്ല നമുക്ക് തീരുമാനിക്കാം ഏതൊക്കെ ആപ്പ്ളിക്കേഷനുകൾക്ക് ഡാറ്റ ഉപയോഗം നൽകണം എന്നുള്ളത്.

ഉപസംഹാരം

ഗോ ഒഎസ് ഗൂഗിളിനെ സംബന്ധിച്ചിടത്തോളം വലിയ ഒരു ചുവടുവെപ്പാണ്. വെറും 50 ഡോളറിൽ നിർമിച്ച സ്മാർട്ട് ഫോണുകളിൽ ആൻഡ്രോയിഡ് ഓറിയോ വേർഷൻ പ്രവർത്തിപ്പിക്കുക എന്നുള്ളത് സ്വപ്ന തുല്യമാണ്.

വികസ്വര രാജ്യങ്ങളിൽ ആൻഡ്രോയിഡ് ഗോ തീർച്ചയായും ഒരു പുതുചലനം സൃഷ്ടിക്കും എന്ന് നിസ്സംശയം പറയാം. പ്രമുഖ ബ്രാൻഡുകളായ നോക്കിയ, അൽകാടെൽ, ZTE എന്നിവർ ആൻഡ്രോയിഡ് ഗോ ഫോണുകൾ വിപണിയിൽ ഇറക്കി കഴിഞ്ഞു.

read more: https://www.techlokam.in/2018/03/13/3574

നിങ്ങള്‍ തീര്‍ച്ചയായും അറിഞ്ഞിരിക്കേണ്ട 10 ഗൂഗിള്‍ ലിങ്കുകള്‍

നിങ്ങള്‍ തീര്‍ച്ചയായും അറിഞ്ഞിരിക്കേണ്ട 10 ഗൂഗിള്‍ ലിങ്കുകള്‍

ഗൂഗിള്‍ ഉപഭോക്താക്കള്‍ തീര്‍ച്ചയായും അറിഞ്ഞിരിക്കേണ്ട 10 ഗൂഗിള്‍ ലിങ്കുകള്‍ പരിചയപ്പെടുത്തുന്നു. ഒരു സാധാരണ യൂസറിന് ഈ ലിങ്കുകള്‍ അത്ര പെട്ടന്ന് കണ്ടെത്താന്‍ കഴിയില്ല. Continue reading “നിങ്ങള്‍ തീര്‍ച്ചയായും അറിഞ്ഞിരിക്കേണ്ട 10 ഗൂഗിള്‍ ലിങ്കുകള്‍”

കേംബ്രിഡ്ജ് അനലിറ്റിക്ക എങ്ങിനെ ഫെയ്‌സ്ബുക്ക് അംഗങ്ങളുടെ വിവരങ്ങൾ വിറ്റ് കാശാക്കി ?

2014 ൽ കേംബ്രിഡ്ജ് അനലിറ്റിക്ക എന്ന റിസർച്ച് കൺസൾട്ടൻസി സ്ഥാപനത്തിൽ ജോലി ചെയ്തിരുന്ന അലക്സാണ്ടർ കോഗൻ ആളുകളുടെ വ്യക്തിത്വം ഏതു തരത്തിലാണ് എന്ന് കണ്ടു പിടിക്കാൻ വേണ്ടി ഒരു ഫെയ്‌സ്ബുക്ക് ആപ്പ് തയ്യാറാക്കി

ഈ ആപ്പ്ളിക്കേഷൻ ഉപയോഗിച്ചവരും ആപ്പ്ളിക്കേഷൻ ഉപയോഗിക്കാത്ത അവരുടെ കൂട്ടുകാർ അടക്കം 50 മില്യൺ ഫേസ്ബുക് ഉപഭോക്താക്കളുടെ വിവരങ്ങൾ അലക്സാണ്ടർ കോഗണിനു ലഭിച്ചു. Continue reading “കേംബ്രിഡ്ജ് അനലിറ്റിക്ക എങ്ങിനെ ഫെയ്‌സ്ബുക്ക് അംഗങ്ങളുടെ വിവരങ്ങൾ വിറ്റ് കാശാക്കി ?”

പോണ്‍ വെബ്‌സൈറ്റുകള്‍ സന്ദര്‍ശിക്കാറുണ്ടോ? എങ്കില്‍ നിങ്ങള്‍ സൂക്ഷിക്കണം

പോണ്‍ വെബ്‌സൈറ്റുകള്‍ ക്രിപ്‌റ്റോ മൈനിങ് സോഫ്റ്റ് വെയറുകള്‍ ഉപയോഗിച്ച് ഉപയോക്താക്കളുടെ കമ്പ്യൂട്ടര്‍ ദുരുപയോഗം ചെയ്യുകയും പണമുണ്ടാക്കുകയും ചെയ്യുന്നതായി ഗവേഷണകര്‍. ബീജിങില്‍ പ്രവര്‍ത്തിക്കുന്ന സൈബര്‍ സുരക്ഷാ സ്ഥാപനമായ 360നെറ്റ് ലാബ് ഗവേഷകരാണ് ഇക്കാര്യം പരസ്യപ്പെടുത്തിയിരിക്കുന്നത്. Continue reading “പോണ്‍ വെബ്‌സൈറ്റുകള്‍ സന്ദര്‍ശിക്കാറുണ്ടോ? എങ്കില്‍ നിങ്ങള്‍ സൂക്ഷിക്കണം”

ഓഫീസിലെ കംപ്യൂട്ടറില്‍ പെന്‍ഡ്രൈവ് കുത്താറുണ്ടോ? കടുത്ത ഭീഷണിയെന്ന് റിപ്പോര്‍ട്ട്

ഫ്‌ളാഷ് ഡ്രൈവ് പോലെ എടുത്തുമാറ്റാവുന്ന യുഎസ്ബി മീഡിയ ഡിവൈസുകള്‍ സൈബര്‍ സുരക്ഷക്ക് വെല്ലുവിളി ഉയര്‍ത്തുന്നതായി സൈബര്‍ സുരക്ഷാ സ്ഥാപനമായ ഹണിവെല്‍. വ്യവസായ സ്ഥാപനങ്ങളിലും ഓഫീസുകളിലുമെല്ലാം പ്രവര്‍ത്തനം പൂര്‍ണമായും പ്രതിസന്ധിയിലാക്കാന്‍ ശേഷിയുള്ളവയാണ് ഇത്.

ഹണിവെല്ലിന്റെ സുരക്ഷാ സോഫ്റ്റ് വെയര്‍ ഉപയോഗിച്ച് 50 ഓളം ഉപഭോക്തൃ കേന്ദ്രങ്ങളില്‍ നടത്തിയ പരിശോധനയില്‍  40 ശതമാനം കംപ്യൂട്ടറുകളിലും ചുരുങ്ങിയത് ഒരു ഫയലിലെങ്കിലും സുരക്ഷാ പ്രശ്‌നമുള്ളതായി കണ്ടെത്തി. ഇതില്‍ അതത് സ്ഥാപനങ്ങളുടെ പ്രവര്‍ത്തനത്തെ പൂര്‍ണമായും അവതാളത്തിലാക്കാന്‍ കഴിവുള്ളവയുണ്ടെന്നും ഹണിബെല്‍ പറഞ്ഞു. Continue reading “ഓഫീസിലെ കംപ്യൂട്ടറില്‍ പെന്‍ഡ്രൈവ് കുത്താറുണ്ടോ? കടുത്ത ഭീഷണിയെന്ന് റിപ്പോര്‍ട്ട്”